شاہین ایئرلائن کے خلاف ٹیکس چوری کیس کا چالان جمع کرانے کا حکم

 کراچی: فیڈرل بورڈ آف ریونیو (ایف بی آر) نے شاہین ایئر انٹرنیشنل کیخلاف ٹیکس فراڈ کا مقدمہ درج کرلیا جبکہ کسٹم عدالت نے تفتیشی افسر کو  14 روز میں تفتیش مکمل کرکے مقدمے کا چالان جمع کرانے کا حکم دیا ہے۔

ایف بی آر کراچی کی جانب سے ٹیکس وصولی کے لیے بڑی کارروائی کی گئی۔ کسٹم عدالت میں شاہین ایئر کے خلاف ٹیکس چوری کے معاملے کی سماعت ہوئی تو ایف بی آر کے ان لینڈ ریونیو ڈیپارٹمنٹ نے شاہین ایئر انٹرنیشنل لمیٹڈ کے خلاف ٹیکس فراڈ کا مقدمہ درج کرنے سے متعلق کسٹم عدالت کو آگاہ کردیا۔

یہ بھی پڑھیں: شاہین ایئر لائن کے ٹیکس چوری میں ملوث ہونے کا انکشاف

ان لینڈ ریونیو ڈیپارٹمنٹ نے ایف آئی آر کی نقول عدالت میں جمع کراتے ہوئے بتایا کہ شاہین ائیر انٹرنیشنل کیخلاف 95 کروڑ سے زائد ٹیکس چوری کا مقدمہ درج کیا گیا ہے اور کمپنی کے ڈائریکٹرز و مالکان کیخلاف تحقیقات کا آغاز کردیا ہے۔

مقدمے کے مطابق شاہین ایئر نے مسافروں سے وصول کیا جانے والا ٹیکس قومی خزانے میں جمع نہیں کرایا، کمپنی کی جائیداد کا کھوج لگانے کا کام شروع کر دیا گیا ہے۔

عدالت نے تفتیشی افسر کو 14 روز میں تفتیش مکمل کرکے مقدمے کا چالان جمع کرانے کا حکم دیدیا۔


Facebook Comments

یہ بھی دیکھیں

ایف بی آر کو سیاستدانوں سے براہ راست زرعی انکم ٹیکس وصولی کا اختیار مل گیا

 اسلام آباد: صوبوں کو فیڈرل بور ڈ آف ریونیو(ایف بی آر)کوجمع کروائے جانیوالے انکم ٹیکس گوشواروں …